Back

በመንግስትና በግል አጋርነት የሚሰሩ የፀሐይ ሀይል ማመንጫ ፕሮጀክቶች ይፋ ሆኑ

በመንግስትና በግል አጋርነት የሚሰሩ የፀሐይ ሀይል ማመንጫ ፕሮጀክቶች ይፋ ሆኑ

በዛሬው ዕለት በገንዘብ ሚኒስቴር በተሰጠው ጋዜጣዊ መግለጫ እንደተገለፀው ስድስቱ የሶለር ሃይል ማመንጫ ፕሮጀክቶች በአፋር፣በሶማሌ፣በኦሮሚያ እና በትግራይ ብሔራዊ ክልላዊ መንግስት ስር ይተገበራሉ ተብሏል፡፡

ስድስቱ የፀሐይ ሀይል ፕሮጅክቶች በገንዘብ ሚኒስቴር የ100 ቀናት እቅድ ውስጥ የተካተቱ ሲሆን ፕሮጀክቶቹ ሲጠናቀቁ 798 ኪሎ ዋት የማመንጭት አቅም አላቸው፡፡ የፕሮጀክቱ ወጪ 795 ሚሊዮን የአሜሪካን ዶላር እንደሚገመት በጥናቱ ላይ ተመላክቷል፡፡  

የገንዘብ ሚኒስቴር ዴኤታ ዶ/ር ተሾመ ታፈስ  አገሪቱ መካከለኛ ገቢ ካላቸው አገሮች ተርታ ለመሰለፍ ያስቀመጠችውን ራዕይ ለማሳካት ከዚህም ጋር ተያይዞ በየጊዜው ሳያቋርጥ እያደገ የመጣውን የህዝብ የሀይል አገልግልት ፍላጎት ለማሟላት ከመንግስት የፋይናንስ ምንጮች በተጨማሪ ሌሎች አማራጮችን ማየት አስፈላጊ ሆኖ ተገኝቷል ሲሉ ገልጸዋል፡፡

የመንግስትና የግል አጋርነት (መግአ) የመሰረተ-ልማት አቅርቦትን ለማሻሻል እንደ አንድ ስልት የሚወሰድ ነው ያሉት ዶ/ር ተሾመ በአግባቡ ስራ ላይ ከዋለ የግሉን ዘርፍ የኢንቨስትመንት አቅም እንደ አስፈላጊነቱ ለመጠቀም እድል ይሳጣል ሲሉ ተናግረዋል፡፡