Back

ኢትዮጵያና የአፍሪካ ልማት ባንክ ለተቀናጀ የግብርና-ኢንዱስትሪ ፓርኮች ፕሮጀክት ማስፈፀሚያ የሚውል የ15 ሚሊዮን ዶላር ስምምነት ተፈራረሙ

የፋይናንስ ስምምነቱን የፈረሙት በኢትዮጵያ በኩል የገንዘብና ሚኒስትር አቶ አህመድ ሽዴ ሲሆኑ በአፍሪካ ልማት ባንክ በኩል ደግሞ የባንኩ የኢትዮጵያ ስራ አስኪያጅ ዶ/ር አብዱል ካማራ ናቸው።

የአፍሪካ ልማት ባንክ የገንዘብ ድጋፉን ያደረገው በኢትዮጵያ በግብርና - ኢንዱስትሪ ዙርያ እየተከናወኑ ያሉ ፕሮጀክቶችን ለመደገፍ ነው፡፡ ድጋፉ በአማራ፣ በኦሮሚያ፣ በትግራይ እና በደቡብ ብሔሮች ብሔረሰቦችና ሕዝቦች ክልላዊ መንግስታት ስር እየተገነቡ ላሉ አራት ኢንዱስትሪ ፓርኮችን እንደሚውል ተገልፃል፡፡

ፕሮጀክቱ ሦስት ዋና ዋና ክፍሎችን ለመደገፍ የሚውል ሲሆን በኢንዱስትሪ ፓርኮች መሰረተ-ልማትን ለማሳደግ፣ በዘላቂነት የግብርና-ኢንዱስትሪ ልማት ዘርፍ እንዲኖር ለማሰቻል እና በፕሮጀክት አስተዳደርና አተገባበር ላይ ለአራቱ ብሔራዊ ክልላዊ መንግስታት እና ለንግድ እና ኢንዱስትሪ የአቅም ግንባታ ስራዎችን ለማከናውን ይውላል፡፡

የገንዘብ ሚኒሰቴር ሚኒስትር አቶ አህመድ ሽዴ በፊርማ ስነ-ሰርዓት ወቅት እንደተናገሩት ኢትዮጵያ እ.አ.አ በ2025 መካከለኛ ገቢ ካለቸው የአፍሪካ ሀገራት ተርታ ለመሰለፍ የተለያዩ ፕሮግራሞች ነድፋ እየተንቀሳቀሰች የምትገኝ ሲሆን በተለይም ሁሉንአቀፍ እድገት እንዲኖር ማስቻል፣ ድህነት ቅነሳ እና ለወጣቶች የስራ እድል እንዲፈጠር የማደረግ ስራ እያከናወነች ትገኛለች ብለዋል፡፡

የገንዘብ ሚኒስትሩ ኢትዮጵያ ወደ ኢንዱስትሪ ልማት በስፋት ለመግባት እያደረገች ላለው ጥረት የአፍሪካ ልማት ባንክ እያደረገው ላለው ድጋፍ ምስጋናቸው አቅርበዋል፡፡