Back

ከዓለም ባንክ የኮሮና ቫይረስ በሀገራችን ኢኮኖሚ ላይ የሚያደርሰውን ተፅዕኖ ለመቋቋም የሚያግዝ የ500 ሚሊዮን ዶላር የበጀት ድጋፍ ይመለከታል

 

ከዓለም ባንክ የኮሮና ቫይረስ በሀገራችን ኢኮኖሚ ላይ የሚያደርሰውን ተፅዕኖ

ለመቋቋም የሚያግዝ የ500 ሚሊዮን ዶላር የበጀት ድጋፍ ይመለከታል

ሀገራችን ለምታከናውነው የልማት እንቅስቃሴ የዓለም ባንክ ጠንካራ የልማት አጋር በመሆን፣ በኢትዮጵያ ለሚተገበሩ የተለያዩ የልማት ፕሮጀክቶችን እና ፕሮግራሞች የፋይናንስ ድጋፍ ሲያደርግ ቆይቷል፡፡ በተለይም መንግስት ለጀመረው ዘርፈ ብዙና ለሦስት ዓመታት (ከ2011-2013 ዓ.ም.) የሚቆይ የኢኮኖሚ ማሻሻያ ፕሮግራም የበጀት ድጋፍ ለማድረግ ከባንኩ ጋር ስምምነት በተደረሰው መሰረት ፕሮግራሙ ተግባራዊ እየተደረገ ይገኛል፡፡ እሰከአሁንም በመጀመሪያው እና በሁለተኛው ዙር ስምምነት የተደረሰባቸውን የሪፎርም አጀንዳዎችን ለማሳካት ባንኩ የ1.7 ቢልዮን የአሜሪካን ዶላር የበጀት ድጋፍ አድርጓል፡፡

በአሁኑ ወቅት የኮሮና ቫይረስ በሀገራችን ላይ እያስከሰተለ ባለው የጤና፣ ማህበራዊና ኢኮኖሚያዊ ጫና ምክንያት የታቀዱ የልማት እንቅስቃሴዎች መቀዛቀዝ በማሳየታቸው፣ የመንግስት የትኩረት አቅጣጫ ወረርሽኙን በመከላከልና በመቆጣጠር ብሎም የሚያስከትለውን ጉዳት በመቀነስ ላይ አተኩሯል፡፡ ይህንን ጥረት ለመደገፍ ብሎም የተጀመረውን የሪፎርም ሥራ ለማስቀጠል ባንኩ የ250 ሚልዮን ድላር የፋይናንስ ድጋፍ ለማድረግ ስምምነት የተፈረመ ሲሆን በሚቀጥሉት ጥቂት ቀናት ውስጥ ፈሰስ የሚደረግ ይሆናል፡፡ በተጨማሪም መንግስት ወረርሽኙን  የመከላከል ሥራዎችን አጠናክሮ እንዲቀጥል  ከባንኩ የ500 ሚሊዮን ዶላር የበጀት ድጋፍ ለማግኘት የዝግጅት ስራዎች ተጠናቆ በባንኩ ቦርድ እንዲጸድቅ ለማድረግ በሂደት ላይ ይገኛል፡፡


News Archive News Archive